Cynhaliwyd cinio ym Mwyty Themâu Coleg Powys ddydd Gwener diwethaf i hyrwyddo ymwybyddiaeth a dathlu llwyddiannau Prentisiaid o Goleg Powys. Roedd yn rhan o gyfres o ddigwyddiadau a drefnwyd drwy gydol yr wythnos i ddathlu Wythnos Genedlaethol Prentisiaethau.
Roedd y rhan fwyaf o’r gwesteion naill ai wedi bod yn brentisiaid neu ar hyn o bryd yn cyflogi dysgwyr ar y rhaglen Sylfaen a’r rhaglen Prentisiaeth Fodern.
Croesawodd Pennaeth Coleg Powys Simon Pirotte pawb yn ei araith agoriadol a diolchodd i bawb am ei presenoldeb. Traddodwyd sgwrs fer gan Bill Brown o Makefast Cyf am y manteision i fusnes wrth gyflogi prentisiaid - yn eu plith cyfrannu syniadau newydd, sgiliau hyfforddi cyfredol a dod a brwdfrydedd i’r gweithlu.
Roedd staff o Yrfa Cymru a Choleg Powys hefyd wrth law i ateb unrhyw gwestiynau am y cyfleusterau a’r hyfforddiant sydd ar gael.
Mwynhaodd y gwesteion ginio tri chwrs a baratowyd gan fyfyrwyr Coginio Proffesiynol CGC Lefel 3 dan arweiniad Mandy Carter, darlithydd yn yr adran a’r cogydd Gareth Jones o Westy’r Wynnstay ym Machynlleth. Myfyrwyr Gwasanaethau Croeso Lefel 2 oedd yn cyflawni’r dyletswyddau croesawu.
