Mae Myfyrwyr Lefel 3 Tylino yn cynnal Digwyddiad Iechyd a Lles ddydd Mercher 25 Mai o 10.00yb tan 3.30yp. Cynhelir y digwyddiad yn y Brif Neuadd ar safle Coleg Powys yn Llandrindod a bydd yn cynnwys:
Dewch i ymuno â ni ar gyfer ein harddangosfa gyffrous o fyw’n iach.
Mae cyn myfyrwyr celf Coleg Powys wedi cysylltu â’u tiwtoriad i’w diweddaru ar eu cyflawniadau gyrfaol.
Mae Mark Williams cyn-myfyriwr BTEC Diploma Cenedlaethol Celf a Dylunio, ar hyn o bryd ar ei flwyddyn olaf yn astudio Dylunio Ffasiwn ym Mhrifysgol Kingston, Llundain. Eleni mae Mark wedi cwblhau prosiect Cyngor Ffasiwn Prydeinig ar gyfer Burberry a oedd yn cynnwys dylunio casgliad o ddillad allanol ar gyfer y brand. Dywedodd Mark, “Mae’r Ddiploma Genedlaethol BTEC mewn Celf a Dylunio yn gyfwerth â 3 Lefel A, ac mi roedd yn bwysig iawn i mi oherwydd heddiw, mae angen cymwysterau i lwyddo, a gan nad oeddwn yn academaidd iawn, roeddwn o’r farn mai hyn oedd y ffordd orau o i gael y 3 Lefel A oedd ei angen i fynd ymlaen i addysg uwch. Cynigodd Coleg Powys Y Drenewydd y gofod a’r rhyddid o greadigrwydd. Wrth i mi ganolbwyntio ar ffasiwn roedd popeth oedd angen arnaf i mi gyflawni fy mhotensial ar gael.”
Mae’r cyn myfyriwr Diploma Cenedlaethol mewn Celf a Dylunio Jessica Bryant yn awr yn fyfyriwr Prifysgol yn astudio Gradd BA (Anrh) mewn Celf Gymhwysol. Wrth son am ei hamser yng Ngholeg Powys dywedodd Jessica, “Rwy’n credu bod y tiwtoriaid yn ysbrydoledig, yn gymwynasgar, yn ysgogi ac yn fodelau rôl go iawn i unrhyw un sydd o ddifrif ynglyn a gyrfa yn y Diwydiant Celf a Dylunio. Rhoddodd y cwrs yng Ngholeg Powys sylfaen dda i mi, pwyntiau UCAS i wneud cais i brifysgol, ynghyd â phrofiad gyda deunyddiau a bywluniad.”
Aeth Natalie Smith, myfyriwr blaenorol arall mewn Celf a Dylunio, ymlaen i astudio dylunio graffig Sefydliad Celf a Dylunio ym Mirmingham, ac mi enillodd BA (Anrh) mewn Cyfathrebu Gweledol. Ers gadael y brifysgol, mae Natalie wedi bod yn gweithio gyda chwmnïau dylunio lleol, yn ogystal â gweithio fel dylunydd llawrydd gyda’i chwmni ei hun Dylunio Natalie Rose. Yn gynharach eleni, dechreuodd adfywio’r deunydd marchnata ar gyfer Coleg Powys, o daflenni i dyddiaduron myfyrwyr, prosbectysau i dempledi e-bost. Meddai Natalie “Mae wedi bod yn gyfle gwych i ddweud diolch wrth y coleg am fy nghynorthwyo yn fy ngyrfa a hefyd mae gweithio gyda’r staff wedi bod yn brofiad cwbwl bleserus. Rwy’n teimlo mai fy amser yng Ngholeg Powys oedd y ffordd berffaith i’m cyflwyno i astudio ac i weithio yn y maes celf a dylunio. Roedd yn blatfform gwych i symud ymlaen i astudio ar lefel uwch ar cam cyntaf ar yr ysgol i ddatblygu gyrfa o weithio yn y diwydiant dylunio.”
Dywedodd Pennaeth y Gyfadran, Steve Cass, “Rydym yn falch iawn bod ein cyn fyfyrwyr wedi cysylltu â ni. Mae’n wych clywed am eu holl gyflawniadau nodedig. Er bod y coleg yn edrych yn ôl ac yn cadw mewn cysylltiad â chyn fyfyrwyr, rydym hefyd yn edrych ymlaen. Ym mis Medi, byddwn yn cyflwyno BTEC mewn Celfyddydau Perfformio wedi’i leoli yn Theatr Brycheiniog, BTEC mewn Ffasiwn a Dillad, a Ffotograffiaeth Safon Uwch. Byddwn yn parhau i redeg ein Cwrs Celf Sylfaen llwyddiannus a chyffrous, sydd wedi bod yn hynod werthfawr i unrhyw un sy’n awyddus i gael gyrfa yn y Celfyddydau.”
Os hoffech wybod mwy am gyrsiau Coleg Powys, cysylltwch â Gwasanaethau Myfyrwyr ar 0845 4086 200.
Fideo o gystadlaethau Gwasanaeth Sgiliau Bwyty’r Byd a gynhaliwyd yng Ngholeg Llandrillo lle enillodd myfyrwyr Coleg Powys Louise Dam a Rosie Pierce Fedal Aur gan eu gwneud y gorau yng Nghymru.
Ymhlith y miloedd o bobl a deithiodd i Lundain eleni ar gyfer Virgin Marathon Llundain, roedd grŵp o fyfyrwyr a staff o Goleg Powys. Gadawodd y grŵp ei marc ar y digwyddiad.
Treuliodd y myfyrwyr sydd ar y Cyrsiau Harddwch y diwrnod yn tylino’r rhedwyr oedd wedi cymryd rhan yn y marathon (am ddim) er budd elusennau Ymchwil Asgwrn Cefn a Phrofedigaeth Plant.
Roedd y daith yn llwyddiant ysgubol a dywedodd arweinydd y grŵp, Nicola Tatton, “Roeddwn yn falch iawn o’r myfyrwyr ynghyd a’u hymddygiad proffesiynol ar hyd yr amser. Rwy’n gwybod bod llawer o waith wedi’i wneud i baratoi’r myfyrwyr ar gyfer y tylino ac rwy’n awyddus i ddiolch i’r staff a wnaeth hyn yn bosibl. ”
Mae’r ddwy elusen a gefnogir gan fyfyrwyr Coleg Powys hefyd yn llawn edmygedd o lwyddiant y digwyddiad. Dywedodd Emma Riley, swyddog codi arian ar gyfer yr Elusen Profedigaeth Plant, “Roedd y rhedwyr yn gwerthfawrogi’r tylino ac mi dderbyniwyd nifer o sylwadau hyfryd ynglŷn â pha mor dda oeddent!”
Mae’r ddwy elusen wedi mynegi eu dymuniad i gael Coleg Powys i’w cefnogi nhw eto’r flwyddyn nesaf, ac mae hyn yn gyfle gwych i fwy o fyfyrwyr yn y dyfodol.
Trefnodd Pwyllgor Cymdeithasol Coleg Powys, gyda chymorth Grŵp Ymchwil Para normal De Powys (SWPR), Ddigwyddiad Para normal yn ddiweddar ar gyfer elusen ar safle Llandrindod.
Yn y ffreutur, y ganolfan ar gyfer y noson, roedd llawer o offer diddorol wedi’i osod allan a rhoddodd Steve a gweddill SWPR sgwrs galonogol am yr hyn fyddai’n digwydd yn ystod y noson. Roedd pawb yn y grŵp ychydig yn bryderus am yr hyn a allai ddigwydd, ond hefyd ychydig yn gyffrous ar yr un pryd.
Rhoddwyd y deuddeg aelod dewr o staff Coleg Powys mewn 3 grŵp o 4 ar gyfer y nos, gyda dau ymchwilydd o SWPR ym mhob grŵp.
Trwy gydol y nos cynhaliwyd gweithgareddau fel; Ffenomena Llais Electronig (EVP), Canfyddiad Ychwanegol ar y Synhwyrau (CSA), Dewinio, a Seicometreg. Yn hwyr yn y nos cafodd y grŵp hyd yn oed ei hanfon i ffwrdd i’r islawr i fod ‘AR EI BEN EI HUN YN Y TYWYLLWCH.’
Y 5ed gweithgaredd, a’r terfynol, (o gofio ei bod bellach yn 1.00yb) oedd sianelu gwydr. Dywedodd Tracey, aelod dewr o’r staff, “Cawsom eistedd o amgylch bwrdd sianelu gwydr a galw am bresenoldeb i ymuno â ni. Gadewch i ni ddweud fod presenoldeb wedi ymuno ac i’r gwydr symud. Roedd yn deimlad rhyfedd iawn, ac mi chwythodd y gweithgaredd cyfan mi i ffwrdd!”
Roedd y Digwyddiad Para normal yn llwyddiant mawr ac yn brofiad gwych i bawb a gymrodd ran. Ar ran pawb a fynychodd y noson, carwn ddiolch yn fawr iawn i SWPR am wneud yr holl noson yn noson gyffrous iawn.
Llwyddwyd trwy’r digwyddiad i godi cyfanswm o £232 ar gyfer Tîm Achub Mynydd Brycheiniog a Macmillan.
Bu cystadleuwyr o’r mwyafrif o Adrannau Arlwyo Colegau Addysg Bellach Cymru’n cystadlu’n ddiweddar yng Nghystadleuaeth Sgiliau’r Byd, a gynhaliwyd yn Llandrillo. Roedd 6 o gystadleuwyr o Adran Arlwyo Coleg Powys ar safle’r Drenewydd yn cynrychioli’r coleg a Phowys.
Roedd safon y cystadlu’n uchel trwy gydol y dydd, ond llwyddodd myfyrwyr Coleg Powys, Louise Dam a Rosie Pierce i ennill Medalau Aur yng nghategori’r Gwasanaeth Bwyty Uwch a chategori Gwasanaeth Bwyty Canolradd. Yn ogystal bu Louisa hefyd yn cystadlu yn y Gystadleuaeth Melysion lle enillodd fedal Efydd. Yn y gystadleuaeth Coginio a Gweini llwyddodd Myfyrwyr Coleg Powys – Ffion Lewis a David Johnson i ennill dwy fedal Arian.
Dywedodd Chris Yapp, Darlithydd Bwyd a Diod, “Rwy’n falch iawn o waith ein myfyrwyr ac mae ennill aur, arian ac efydd yng Nghystadleuaeth Derfynol Sgiliau’r Holl Fyd Cymru yn rhoi’r eisin ar y gacen. Roedd y safon yn uchel iawn ac ac nid yw byth yn hawdd i ennill oddi cartref. Rwy’n dymuno’r gorau iddynt ar gyfer y dyfodol. Mae gwasanaeth bwyd yn eithriadol o bwysig i’r diwydiant arlwyo yn ein hardal, ac rwy’n falch bod Adran Arlwyo a Lletygarwch Coleg Powys yn arwain y ffordd gyda rhagoriaeth ym Mhowys.”
Mae Steve Cass wedi ymuno a Choleg Powys fel Pennaeth Cyfadran ar gyfer Technoleg, Busnes a’r Celfyddydau. Tra yng Ngholeg Llwydlo, arweiniodd Steve Cass yr adran Gelfyddydau Creadigol yn gyson i radd safon un. Disgrifiodd safonwyr fyddai’n ymweld a choleg Llwydlo, ei adran Celf a Dylunio fel “un o’r canolfannau gorau yng Ngorllewin Canolbarth Lloegr.” Mae Steve yn dod â blynyddoedd o brofiad o ragoriaeth academaidd Lefel A i’r coleg. Mae eisoes wedi cychwyn trwy gyflwyno Ffotograffiaeth Safon Uwch. Cefndir academaidd Steve yw Celf a Dylunio, ond mae’n mwynhau’r amrywiaeth o brofiad galwedigaethol ac academaidd mae Coleg Powys yn ei gynnig iddo yn ei rôl newydd. Meddai Steve, “Gall unrhyw ddiwrnod fynd â chi o Beirianneg i Adeiladwaith ac yna i Gelfyddydau Perfformio. Mae’n gwneud i chi sylweddoli’r cyfoeth o gyrsiau sydd ar gael i ddysgwyr yma yn y Coleg.”
Mae Siân Thomas hefyd wedi ymuno â Choleg Powys fel Pennaeth Cyfadran ar gyfer Gwasanaethau i Bobl a’r Gymuned yn dilyn 18 mlynedd yng Ngholeg Sir Gâr, lle, o dan ei harweiniad, daeth y ddarpariaeth Trin Gwallt a Therapi Harddwch yn Ganolfan Rhagoriaeth ac yn gyson yn derbyn gradd un gan arolygwyr ESTYN. Cyflwynodd Sian Fagloriaeth Cymru a’r Prif Gymwysterau Dysgu gyda chanlyniadau rhagorol. Daw Siân â phrofiad helaeth o reoli ansawdd i’r coleg ar ôl gweithio am 16 mlynedd fel aseswr cysylltiol gyda ESTYN yn arolygu Colegau Cymru. Yn Gymraes ei hiaith, mae Siân yn edrych ymlaen at chwarae rhan allweddol yn natblygiad y ddarpariaeth Iaith Gymraeg yng Ngholeg Powys. Yn 2000, enillodd Siân MSc o Brifysgol Morgannwg ac mae ganddi brofiad o weithio ar draws sbectrwm o feysydd academaidd. Mae Siân yn mwynhau’n fawr iawn amrywiaeth ei rôl newydd, ac mae’n gyffrous ynglŷn â’r ddarpariaeth newydd – y Celfyddydau Perfformio, Gwasanaethau Cyhoeddus a Seicoleg Lefel A fydd yn dechrau yn y gyfadran ym mis Medi 2011 “bydd y rhain yn ymestyn yr ystod o bynciau galwedigaethol ac academaidd ar gyfer dysgwyr.”
Er gwaethaf cefndir o doriadau addawodd Prifathro Coleg Powys, Simon Pirotte, heddiw ei gefnogaeth ac ymrwymiad i’r celfyddydau ym Mhowys. Mae’r toriadau diweddar y llywodraeth wedi golygu bod sefydliadau celfyddydol ledled y DU wedi dioddef. Dywedodd Mr Pirotte, “Mae’r posibilrwydd o golli’r cyfleusterau yma ym Mhowys yn drist iawn. Rhaid inni ddyblu’n hymdrechion ac ymrwymiad i’r celfyddydau. Er gwaethaf y dirwasgiad, mae diwydiant y celfyddydau creadigol a’r cyfryngau yn ffynnu.
“Mae Coleg Powys yn ymrwymedig i chwarae ei rhan i gefnogi’r celfyddydau. Ym mis Medi, byddwn yn lansio cwrs Celf Perfformio amser llawn yn Ne Powys. Lleoli’r y cwrs yn Theatr Brycheiniog. Bydd myfyrwyr yn datblygu sgiliau mewn actio, canu, dawns a theatr dechnegol. Trwy leoli’r cwrs yn y theatr ei hun, gall myfyrwyr gael profiad gwych o theatr real a pherfformio.”
Ychwanegodd Cyfarwyddwr Artistig y theatr, Andy Eagle, “Rydym wrth ein bodd i fod yn cydweithio gyda’r coleg yn y modd hwn. Mae hyn wedi bod yn hwyr yn dod. Rydym am i bobl ifanc ym Mhowys gael mynediad at y cyfleusterau gwych sydd gennym yma yn y theatr. Bydd hyn yn ategu’r gwaith mawr rydym eisoes yn ei wneud gyda phobl ifanc.”
Dywedodd Mr Pirotte, “Nid dyma’r unig ddatblygiad. Mewn cydweithrediad ag Ysgol Uwchradd Y Drenewydd ‘rydym hefyd yn lansio cwrs amser llawn mewn Ffasiwn a Dillad. Byddwn yn rhannu’r cyfleusterau gwych yr Ysgol Uwchradd, a’n campws yn y Drenewydd.”
Ychwanegodd Sandy Craig, Darlithydd Celf a Dylunio yng Ngholeg Powys, “Rydym yn credu y bydd y cwrs yn l cyfarparu myfyrwyr Powys gyda’r sgiliau creadigol a thechnegol sydd eu hangen i naill ai i fynd ymlaen i ddilyn cwrs Gradd Ffasiwn neu i gyflogaeth yn y diwydiant ffasiwn. Rydym hefyd yn bwriadu cyflwyno Diploma Gyfrannol mewn ffotograffiaeth a fydd yn rhoi’r cyfle i fyfyrwyr o Goleg Powys ac Ysgol Uwchradd y Drenewydd i archwilio’r ochr dechnegol ac esthetig y pwnc diddorol hwn. Os yw myfyrwyr yn dymuno, byddant wedyn yn gallu symud ymlaen i ddilyn ein Cwrs Sylfaen Celf a Dylunio. Mae Coleg Powys yn sicr yn gwneud popeth o fewn ei gallu i gynnig cwricwlwm celfyddydau eang i bobl ifanc Powys.”
Mae manylion ar gael ar wefan y coleg neu ffoniwch 0845 4086 299.
Datgelodd Simon Pirotte Prifathro Coleg Powys, heddiw fwriad y coleg i ddatblygu mwy o Gyfleusterau Gwallt a Harddwch ar ei Gampysau yn Aberhonddu a’r Drenewydd. Bydd y datblygiad yn ategu’r cyfleusterau diweddaraf sydd eisoes yn bodoli ar y safleoedd. Dywedodd Mr Pirotte wrthym y “bydd y gwelliannau hyn yn arwain at gyfleusterau gwych a fydd yn agored i aelodau o’r gymuned leol. Byddant hefyd yn cynnig llawer o gyfleoedd busnes.”
Ychwanegodd Mr Pirotte, “Mae’r datblygiad hwn yn rhan o strategaeth stadau tymor hir y coleg i sicrhau bod dysgwyr yn cael mynediad at yr adnoddau gorau a hyfforddi mewn amgylchedd modern o safon ddiwydiannol. Byddwn yn parhau i gynnig cyfleoedd ar ein safle yn Llandrindod ac rydym yn awyddus i siarad â busnesau a sefydliadau eraill yn yr ardal a allai fod yn dymuno cael mynediad at gyfleusterau’r safle.”
Sicrhaodd Mr Pirotte y myfyrwyr a’r staff y byddai’n fusnes fel arfer ar y safle o safbwynt cyrsiau megis Busnes a Sgiliau Galwedigaethol. Dywedodd y Pennaeth Y Gyfadran sydd newydd ei phenodi, Siân Thomas, “Mae hwn yn ddatblygiad hynod gyffrous. Bydd yn ein galluogi i ymestyn ein cynnig cwricwlwm i gynnwys Trin Gwallt Dynion, Trin Gwallt Lefel 3 a Therapi Harddwch L3.”
Medr unrhyw un sy’n dymuno gwneud cais am y cyrsiau gael gwybodaeth ar wefan y coleg neu drwy ffonio 0845 4086 299.
