Fel rhan o Wythnos Entrepreneuriaeth Fyd-eang a Syniadau Mawr Cymru bu myfyrwyr ar safle Coleg Powys Aberhonddu yn cymryd rhan yn yr Her Fenter “Bright Sparks”, digwyddiad menter enfawr a fu’n rhedeg dros 2 ddiwrnod.
Nod y Diwrnod Menter Her oedd herio ein myfyrwyr i werthfawrogi a deall yr hyn sydd ei angen i fod yn entrepreneur, a bod rhedeg eich busnes eich hun yn opsiwn gyrfa go iawn.
Gyda iPods sydd ar gael i aelodau’r tîm buddugol, rhannodd y myfyrwyr yn dimau a rhoddwyd brîff iddynt i:
“Greu SYNIAD MAWR fyddai’n gwella bywyd coleg ac os yn bosibl fod yn cynnwys y gymuned leol mewn modd cynaliadwy a phroffidiol.”
Cafodd y timau gymorth wrth lunio eu syniadau wrth eu tiwtoriaid cwrs â Modelau Rôl Dynamo a oedd yn ymweld. Y Modelau oedd Jayne Brown sy’n rhedeg Iechyd a Ffitrwydd JJ’Z, Andrew Evans, sydd yn artist proffesiynol, Alun Irwyn sy’n of a Julian Mallory-Skinner sy’n gweithio yn y cyfryngau creadigol fel actor, artist tros-lais a chynhyrchydd y cyfryngau. Ariennir y mentoriaid gan Fenter a Busnes.
Roedd angen i bob tîm nid yn unig i feddwl am syniad busnes, ond hefyd i ddewis enw ar gyfer y tîm a dyrannu rolau o fewn y tîm, yn debyg i’r dasg ar “The Apprentice”. Ar ddiwedd y diwrnod cyntaf roedd yn rhaid i bob tîm gyflwyno eu syniad busnes i banel o feirniaid.
Ar yr ail ddiwrnod lluniwyd rhestr fer o’r deg tîm oedd ar syniadau gorau a gofynnwyd iddynt gyflwyno eu syniadau i banel o feirniaid yn null “Dragon’s Den”. Rhoddwyd cyflwyniad PowerPoint a ddilynwyd gan sesiwn holi ac ateb gyda’r panel gan bob tîm.
Roedd y panel beirniaid yn cynnwys Pennaeth Coleg Powys Simon Pirotte, Tiwtor TAR / Busnes a pherchennog busnes lleol Sharon Hammond, Andrew Evans Mentor Busnes Dynamo, Ed Gwillim Cyfarwyddwr Cyllid a Gwasanaethau Corfforaethol a Chadeirydd y Llywodraethwyr Graham Cragg.
Y deg tîm terfynol a ddewiswyd i gyflwyno eu syniadau busnes oedd y canlynol:
Take a Break
Gofal yn y gymuned, yn cynnig gofal seibiant cost isel yn y gymuned leol.
Flaming Bricks
Ailgylchu a defnydd o friciau – cyflenwi ac adeiladu barbeciws.
Powys Eye
Safle rhwydweithio cymdeithasol unigryw, sy’n cysylltu’r myfyrwyr, y gymuned ac addysg.
Fruitastic
Smwddis ffrwythau ffres, a gynhyrchir yn ffreuturau’r campws.
Touch of Majic
Gweithgareddau chwaraeon a hyfforddiant ar gyfer yr ifanc yn ystod y gwyliau.
The Credit Crunchers
Cerdyn codi tâl Myfyrwyr a dalwyd ymlaen llaw ar gyfer defnydd ar y campws ac yn y gymuned leol.
Scribble and Dribble
Meithrinfa symudol a hefyd ar gyfer y coleg at ddefnydd y gymuned a’r coleg
Activate
Canolbwynt creadigol o’r enw Buzz. 3 phrosiect: caffi Buzz, gweithgarwch gyda’r nos a gweithgareddau yn ystod gwyliau’r ysgol
Cut it Out….’Test It’
Pecyn prawf croen hunan gweithredol i brofi adwaith i wallt.
SkyReem
Ailgylchu hen ddillad / heb ei ddefnyddio (o siopau) a chylchoedd.
Yn y diwedd, roedd enillydd clir. Daeth tîm o fyfyrwyr trin gwallt, Cut It Out… ‘Test It’, o hyd i’r syniad busnes o gyflenwi salonau gwallt gyda bagiau bach yn cynnwys sampl fechan o asiantau lliwio i alluogi cleientiaid i weithredu profion croen eu hunain adref cyn eu hapwyntiad. Mae’r cynnyrch yn gysylltiedig ag iechyd a lles a diogelwch. Buont yn ymchwilio’r farchnad, a dod o hyd i gyfle marchnata arbenigol a gefnogir gan y gyfraith. Yna rhoddwyd cynllun yn ei le a oedd yn cynnwys cwsmeriaid, y coleg, y gymuned a rhagdybiaethau ariannol ar sefydlu, incwm a chostau. Mae’r syniad yn ategu eu maes dysgu.
Aelodau’r tîm buddugol oedd Charlotte Mallon, Georgina Williams, Hannah Walker-Jones, Rebecca Munroe, Charlie Williams, Katie Davies a Laura Jenkins ac fe’u cynorthwywyd gan eu tiwtor Ann Watson.
Y timau eraill a gymerodd ran oedd We’ve Got Wood, Hairdressers R Us, The Community Calendar, Poems around the World,Team Creche, Creative Visuals, Easy Cut, Dolled Up, Day and Night, Cisum, ECO, Petrol Heads, Team Beef, OctoGame, Food Fanatics, The Big Business, Coffee Tia Ria, Micro Logistics, Moodle Incorp, Baban Pur, Sound Asleep, Chips, Team Wendy and Team Reem.
Bu 35 o dimau a 370 o ddysgwyr yn ymwneud a’r Her Fenter “Bright Sparks” ar safle Aberhonddu. Mae pawb fu’n gysylltiedig a’r digwyddiad yn ei ddisgrifio’n llwyddiant mawr ar ran y coleg ac i raddau helaeth oherwydd gwaith called y tiwtoriaid a drefnodd y digwyddiad, Mark Hughes a Shirley Hudson.
Dywedodd y Prif Simon Pirotte, “Rwyf wedi treulio ychydig o oriau ysbrydoledig yn gwrando ar y cyflwyniadau gan fyfyrwyr ar ein safleoedd yn Aberhonddu a Llandrindod. Cafodd y beirniaid eu plesio’n fawr gan y syniadau arloesol a chreadigrwydd y timau.
“Y peth mwyaf trawiadol i mi oedd y ‘si’ o gwmpas Aberhonddu. Gwelais athrawon a myfyrwyr yn meddwl ‘y tu allan i’r blwch’. Roedd myfyrwyr yn wirioneddol gysylltiedig ar weithgaredd ac mi roedd y gweithgareddau yn sicr yn ddysgwr- ganolog. Heddiw, rydym wedi gweld gwaith rhagorol a phrofiad ardderchog ar gyfer yr holl ddysgwyr.”
Dywedodd Mark Hughes Tiwtor Busnes a threfnydd y digwyddiad, “Er ein bod yn chwilio am enillydd ar gyfer y gystadleuaeth rhaid i mi ddweud nad ennill oedd y prif bwrpas. Addysg, cyfranogiad, brwdfrydedd, ymgysylltu a dysgu a oedd yn ddysgwr- ganolog oedd y brif sail resymegol ar gyfer y digwyddiad.
“Roedd rhywbeth yn ddyfnach na dim ond dysgu yn digwydd yn ystod y ddau ddiwrnod ac yn sicr ar ôl y digwyddiad. Hwn oedd ysbryd Coleg Powys.”
Mae’r Her Fenter “Bright Sparks” hefyd wedi cymryd lle ar safle’r Drenewydd.
Galeri Ffotograffau
Mae oriel lawn o luniau ar gael i’w gweld ar y Rhwydweithiau Cymdeithasol a ganlyn:
Facebook | Google+
