Cyrsiau Hyfforddiant i Fusnesau

Annwyl Gydweithiwr,

Croeso i rifyn hydref 2011 o Raglen Hyfforddiant Busnes Coleg Powys.

Yn ystod y tymor yma rydym yn cynnig amrywiaeth o gymwysterau a gydnabyddir yn genedlaethol a chyrsiau hyfforddiant sy’n cyfarfod ag anghenion penodol diwydiant a’r Safonau Galwedigaeth Genedlaethol. Mae hyn yn cynnwys:

• Iechyd a Diogelwch
• Cymorth Cyntaf
• Diogelwch Bwyd a Deiliaid Trwydded Bersonol
• Gwasanaethau Cwsmer
• Arweinyddiaeth a Rheolaeth
• Amaethyddol- Seiliedig ar y Tir
• Cerbydau Modur
• Peirianneg Drydanol
• CGC yn y Gwaith

Mae gan yr Uned Datblygu Busnes yn y coleg crin arbenigedd mewn darparu hyfforddiant a datblygiad proffesiynol sy’n cyfarfod anghenion unigryw busnes a deddfwriaeth.  Rydym yn defnyddio amrywiaeth o hyfforddwyr profiadol sydd ag ystod o arbenigedd technegol a rheolaeth o fewn eu meysydd penodol.

Mae’r rhan fwyaf o’r hyfforddiant yn digwydd o fewn ein hystafelloedd cynadledda pwrpasol, sydd fel rheol wedi’i lleoli ar y llawr isaf  ac yn sicrhau mynediad hawdd i gynrychiolwyr sydd ag anableddau; darperir lifftiau ar gyfer yr ystafelloedd hynny na sydd wedi’i lleoli ar y llawr isaf. Yn ychwanegol, gwasanaethir ein hystafelloedd cynadledda gan ein hadran arlwyo ardderchog sy’n cynnig dewis o fwydlenni bwffe, te/coffi a diodydd eraill.

Ein bwriad yw darparu hyfforddiant o ansawdd uchel er mwyn i fusnesau lleol fedru cynyddu eu proffidioldeb trwy feithrin datblygiad proffesiynol effeithiol eu gweithwyr.

I gael mwy o wybodaeth ynglŷn ag unrhyw gymhwyster neu gwrs neu i ymholi am hyfforddiant pwrpasol ar gyfer anghenion busnes cysylltwch â’r Uned Datblygu Busnes os gwelwch yn dda.

Gwybodaeth bellach

I ddarganfod pryd y bwriedir cynnal ein cyrsiau nesaf cysylltwch â’r Uned Datblygu Busnes ar
0845 4086 274 neu trwy ddanfon e-bost bdu@coleg-powys.ac.uk.